LingvoFestivalo de Cxacxak, Jugoslavio
(de Sonja Petrovic, 25 Oktobro, 2001)
Grandan saluton!
Kiel antauxanoncite inter la 18-a kaj 21-a de oktobro en Cxacxak,
Jugoslavio, okazis la unua lingva festivalo.
Festivalo estas iniciatita de SerbEJO (Serbia Esperantista Junulara
Organizo) kaj organizita en kunlaboro inter esperantistoj kaj Civitana
Parlamento de Cxacxak
La oficiala titolo estis “Balkana Lingva Festivalo” cxar laux origina
ideo oni donis apartan atenton al lingvoj de Balkano.
Estis prezentitaj 18 lingvoj, 4 el ili havis ankaux standojn, kaj kadre
de la festivalo oni povis krome vidi mirindan ekspozicion de prilingvaj
libroj de la urba biblioteko, degusti bongustajn mangxajxojn el la tuta
regiono dum promocio de “Balkana kuirlibro”, gxui la etoson dum koncerto
de tutlande fama muzikgrupo “Balkanika” kaj partopreni ekskurson al
mezepoka monakejaro en cxirkauxajxo de Cxacxak.
La prilingvajn prezentojn kaj standojn vidis preskaux 300 homoj,
plejparte lernejanoj, kaj la kroman programon partoprenis pli ol 700
homoj.
Kaj nun, nur por interesitoj ;o), iom pli detale prikiel cxio fluis: -
antaux la festivalo mem, kun du esperantistoj de Italio (jam septembre
la urbon travojagxis Federico Breda, kaj kelkajn tagojn antaux la
festivalo venis Gabrielo Corsetti) ni gastis en pluraj klasoj de la
urbaj bazaj, mezaj kaj lingvaj (privataj) lernejoj kaj cxe loka televido,
kio vekis grandan intereson cxegeknaboj kaj instruistoj - jxauxdvespere
okaizs la unua oficiala programero de la festivalo
- malfermo de la ekspozicio kun vortaroj, lernolibroj k.s. pri 96
lingvoj kiujn diligente elfosis niaj du kunlaborantinoj en la biblioteko
de Cxacxak; por trankvile trastudi tiun abundon de materialo ankaux
hejme, la vizitantoj povis preni ankaux katalogon de la ekspozicio -
vendrede matene la festivalo solene malfermigxis kaj sekvis 30
lingvo-prezentoj (6 foje po 30 minutoj, en 5 diversaj ejoj).
Tiu parto de la
programo okazis cxe Teknika fakultato de Cxacxak, en kies halo
estisstarigitaj ankaux lingvostandoj - vendredo vespero kaj “Balkana
vespero”, neformala etoso, kantoj en diversaj lingvoj kaj mangxajxoj
kiujn patrinoj, edzinoj, konatinoj k.s. de la organizantoj de la
festivalo preparis laux receptoj kolektitaj dum la preparado de la
arangxo, sendube restos en belamemoro de cxiuj cxeestantoj
- sabate matene montrigxis ke 2 horoj planitaj por ronda tablo pri
metodoj de instruado de lingvoj estis tro mallongaj, sed, almenaux,
viglaj diskutoj komencitaj tie estis montrilo kaj por organizantoj kaj
por partoprenantoj kiom grandas bezono kaj interesopor la temo -
sabate posttagmeze venis ankoraux unu serio de 25 prezentoj; Esperanto
entute estis prezentita 6-foje al pli ol 100 personoj kaj vekigxis
granda intereso pri la kurso komencigxonta novembre - sabate vespere
plenis la urba koncertejo, kaj per homoj, kaj per sonoj kaj instrumentoj
de cxiuj partoj de Balkano: muzikis “Balkanika”-
dimancxe matene la organizantoj, helpantoj kaj lingvo-prezentintoj
intersxangxis lauxdojn kaj kritikojn kaj komencigxis preparoj por la
sekvontjara festivalo;
konkludigxis: la festivalo estis tre sukcesa por la unua fojo ecx ne
konsiderante cxiujn aperintajn malfacilajxojn (ekz. nur vendrede unu
sola el subvencipetatoj informis ke tamen venos iom da mono), mankis
cxeesto de amaskomunikiloj dum la festivalo, estis rimarkebla hezitemo
de urbanoj akcepti la arangxon sed ankaux kreskanta intereso - oni
aldonu nur ankoraux ke estis tre gxojigaj kontaktoj kun du eminentuloj
de Filologia fakultato en Beograd kiuj prezentis ‘klasikajn’ lingvoj,
Franca kaj Irana kultur-centroj kaj Goethe Instituto kaj certe niaj du
eksterlandaj esperantistoj Gabrielo Corsetti (Italio) kaj Sasxo Sxivarov
(Bulgario)
Mi uzas cxi-eblecon ankaux por gratuli al organizintoj de festivaloj
kiuj okazis en Vasteros, Svedio, kaj Cxaboksari, Rusio, samtempe kun la
nia :-)
Ev. Demandojn, komentojn, proponojn k.s. bv. sendi alsonja@i... aux radp@p...
Eme vidi vin venontjare en Cxacxak kaj tre amike salutas,Sonja Petrovic